Bessemer的部落格

一場GOODSHOW 唔需要華麗嘅舞台，簡簡單單，看到演員門嘅努力付出， 一樣印象深刻。

欣賞大家樂音樂劇前已做定功課， 睇番原著電影， 正如總監高志森話呢套不是模仿劇，角色同劇情比起原著電影很不同，並將年輕人嘅奮鬥同付出更立體表達，再加上大量歌舞穿插令內容提升，將原本電影嘅創作理念重新展現。

劇中以霑哥/霑嫂角色作為劇中主線， 穿插在五個年輕人尋求理想中間得取利益， 最後發現佢地嘅真誠， 而定下決心， 將佢地出讓給唱片公司作更好發展…. 而結局亦同原著電影最大不同嘅地方。

正因為以霑哥/霑嫂角色為主導， 所以連場勁歌熱舞由另外一班年輕人擔此重任。佢地嘅演出值得一讚， 因為要記住大量嘅舞步，歌，同編排… 再加上2日4場(頭場係學校文化日計劃2011/1活動) ， 相對體能付出較平日表演話劇為多，所以尾場已略見疲態亦可原諒，足見演員們在兩個月時間排練得很辛苦。

直得一提，今次歌舞劇起用亢帥克飾演阿倫角色，而當中亢帥克係唯一一個較少戲劇經驗嘅人(嚴格來講係無…) ， 筆者當初奇怪為何要佢擔此重要角色，但當佢在台上表演後，就略明白一個極大歌唱穩定性同活潑嘅演譯者劇中很重要，雖然仲有大量嘅進步空間, 但以一個新手而言已算做得不錯 。

最意外驚喜係最後有黃霑組曲十二分十分寸部份，將黃霑先生嘅經典歌曲以歌舞形式一連串表演，如果唔係係劇場，相信很多觀眾會企起身拍手支持。(原本筆者想企起身, 但因為會妨礙其它觀眾作罷……) 當中最好睇係飾演霑哥同霑嫂嘅黃嘉威同黃字詩亦參與其中, 令表演更精彩。

雖然劇場略遠，但今次音樂劇給筆者一個真正愉快同難忘嘅晚上，期待原班人馬重演。